തളിര്ത്തണ്ടിലൊട്ടിനിന്നു
തലയാട്ടുംനേരത്ത്
പച്ചപ്ലാവിലയ്കൊരു
വിചാരമുണ്ട്.
ഈ അണ്ഡകടാഹത്തില്
തന്റെ പശിമ നശിയ്ക്കില്ലെന്നും
കാലച്ചുറ്റു തീരുംവരെ
താനാണ്
നേരംകുറിച്ചിടുക എന്നും.
അടര്ന്നൊടിഞ്ഞു വീഴുന്ന
പഴുക്കനിലകളെ
പുച്ഛനോട്ടംകൊണ്ട്
കുലുക്കിയിടുംനേരത്തും
ഉള്ളുപിളര്ത്തി
ഒരു ചിരി ചിരിയ്ക്കുമത്.
പഴുത്തടര്ന്നവയ്ക്കുമുണ്ട്
ശേഷംചൊല്ലാന്
മിച്ചസുഖത്തിനായി
ഒരു അകസഞ്ചാരം.
അസ്ഥി ദ്രവിച്ച്
ഉണങ്ങിപ്പൊടിഞ്ഞ
മണ്ണൊട്ടിച്ചേര്ന്ന
ചതുപ്പനിലകളോട് ,
നിലത്തുവീണും
കാറ്റിനൊത്തു
കിടന്നുരുളുംപാകമുണ്ട്
ഞങ്ങള്ക്കിപ്പോഴും
എന്നൊരു
പിടയാപ്പിടച്ചില്....!
തലയാട്ടുംനേരത്ത്
പച്ചപ്ലാവിലയ്കൊരു
വിചാരമുണ്ട്.
ഈ അണ്ഡകടാഹത്തില്
തന്റെ പശിമ നശിയ്ക്കില്ലെന്നും
കാലച്ചുറ്റു തീരുംവരെ
താനാണ്
നേരംകുറിച്ചിടുക എന്നും.
അടര്ന്നൊടിഞ്ഞു വീഴുന്ന
പഴുക്കനിലകളെ
പുച്ഛനോട്ടംകൊണ്ട്
കുലുക്കിയിടുംനേരത്തും
ഉള്ളുപിളര്ത്തി
ഒരു ചിരി ചിരിയ്ക്കുമത്.
പഴുത്തടര്ന്നവയ്ക്കുമുണ്ട്
ശേഷംചൊല്ലാന്
മിച്ചസുഖത്തിനായി
ഒരു അകസഞ്ചാരം.
അസ്ഥി ദ്രവിച്ച്
ഉണങ്ങിപ്പൊടിഞ്ഞ
മണ്ണൊട്ടിച്ചേര്ന്ന
ചതുപ്പനിലകളോട് ,
നിലത്തുവീണും
കാറ്റിനൊത്തു
കിടന്നുരുളുംപാകമുണ്ട്
ഞങ്ങള്ക്കിപ്പോഴും
എന്നൊരു
പിടയാപ്പിടച്ചില്....!
